又到吃荔枝嘅时候。近初中同学搞聚会,有人提议去摘荔枝,其他同学纷纷呼应,大家决定喺7月份搵个周末,扶老携幼去从化或者增城摘荔枝。虽然有啲人叽叽佼佼,话吃荔枝容易上火,但系又抵唔住荔枝嘅诱惑。睇到呢啲人咁矛盾嘅样,真系好笑。

从化每年都会举办荔枝节,今年也不例外,于6月30日开始举办以“美荔从化·唱响”为主题嘅荔枝旅游文化节系列活动,会持续到7月30日。据说,今年嘅从化荔枝节继续搞去哈尔滨,喺嗰度举办第三届荔枝文化节,仲会喺上海甚至泰国举办推介会,通过农村电商、连锁商超等渠道,利用“互联网+”,打造从化“荔枝名片”。
查实,我唔系几明,从化荔枝仲需要如此推介咩?今年因为收成唔好,荔枝产量好少,我哋本地人都唔够吃,仲要运到哈尔滨、上海甚至国外卖咩?讲笑啫,睇到荔枝可以作为广州嘅一张名片销往外地,其实我都几骄傲嘅。
广州产嘅水果几多嘎,有500几种品种,其中以荔枝、香蕉、木瓜、菠萝分布广,产量多,质量好,被誉为岭南四大名果。但系,除咗广东人,外省人只知道广西嘅香蕉、芒果正,海南嘅西瓜、椰子出名,对于广州产嘅水果,都唔系好清楚,呢层有啲可惜,我哋以后仲需要大力推广自己屋企门口产嘅水果至得。